Psa 114 | CopSahBible2 | STEP | ⲁⲗⲗⲏⲗⲟⲩⲓⲁ ⲁⲓⲙⲉⲣⲉⲡⲁⲓ ϫⲉ ⲡϫⲟⲉⲓⲥ ⲛⲁⲥⲱⲧⲙ ⲉⲡⲉϩⲣⲟⲟⲩ ⲙⲡⲁⲥⲟⲡⲥ

Psalms 114

1 ⲁⲗⲗⲏⲗⲟⲩⲓⲁ ⲁⲓⲙⲉⲣⲉⲡⲁⲓ ϫⲉ ⲡϫⲟⲉⲓⲥ ⲛⲁⲥⲱⲧⲙ ⲉⲡⲉϩⲣⲟⲟⲩ ⲙⲡⲁⲥⲟⲡⲥ 2 ϫⲉ ⲁϥⲣⲉⲕⲧⲡⲉϥⲙⲁⲁϫⲉ ⲉⲣⲟⲓ ϯⲛⲁⲱϣ ⲉϩⲣⲁⲓ ⲉⲣⲟϥ ϩⲛ ⲛⲁϩⲟⲟⲩ 3 ⲁⲩⲁⲙⲁϩⲧⲉ ⲙⲙⲟⲓ ⲛϭⲓ ⲛⲛⲁⲁⲕⲉ ⲙⲡⲙⲟⲩ ⲛⲕⲓⲛⲇⲩⲛⲟⲥ ⲛⲁⲙⲛⲧⲉ ⲁⲩⲧⲁϩⲟⲓ ⲁⲓϭⲓⲛⲉ ⲛⲟⲩⲑⲗⲓⲯⲓⲥ ⲙⲛ ⲟⲩⲙⲟⲕϩⲥ 4 ⲁⲓⲉⲡⲓⲕⲁⲗⲉⲓ ⲙⲡⲣⲁⲛ ⲙⲡϫⲟⲉⲓⲥ ⲱ ⲡϫⲟⲉⲓⲥ ⲛⲉϩⲙ ⲧⲁⲯⲩⲭⲏ 5 ⲟⲩⲛⲁⲏⲧ ⲁⲩⲱ ⲟⲩⲇⲓⲕⲁⲓⲟⲥ ⲡⲉ ⲡϫⲟⲉⲓⲥ ⲁⲩⲱ ⲡⲉⲛⲛⲟⲩⲧⲉ ϣⲁϥⲛⲁ 6 ⲡϫⲟⲉⲓⲥ ⲡⲉⲧϩⲁⲣⲉϩ ⲉⲛϣⲏⲣⲉ ⲕⲟⲩⲓ ⲁⲓⲑⲃⲃⲓⲟ ⲁⲩⲱ ⲁⲡϫⲟⲉⲓⲥ ⲧⲟⲩϫⲟⲓ 7 ⲁⲧⲁⲯⲩⲭⲏ ⲕⲧⲟⲥ ⲉⲩⲙⲧⲟⲛ ϫⲉ ⲁⲡϫⲟⲉⲓⲥ ⲣⲡⲡⲉⲧⲛⲁⲛⲟⲩⲓ ⲛⲁⲓ 8 ϫⲉ ⲁϥⲛⲉϩⲙⲧⲁⲯⲩⲭⲏ ⲉⲃⲟⲗ ϩⲙ ⲡⲙⲟⲩ ⲛⲁⲃⲁⲗ ⲉⲃⲟⲗ ϩⲙ ⲡⲣⲓⲙⲉ ⲛⲁⲟⲩⲉⲣⲏⲧⲉ ⲉⲡⲉⲥⲗⲁⲁⲧⲉ 9 ϯⲛⲁⲣⲁⲛⲁϥ ⲙⲡϫⲟⲉⲓⲥ ϩⲛ ⲧⲉⲭⲱⲣⲁ ⲛⲛⲉⲧⲟⲛϩ 10 11 12 13 14 15 16 17 18